Богата со вкусови, брзо и лесно се прави, а може да се јаде како ужина, ручек или предјадење. Здрава е, вкусна, а ќе ве држи сити долго време.

Состојки:

– 200 грама пилешко бело месо

– 200 грама солени печени кикиритки

– 200 грама кисела павлака

– 200 грама мајонез

– 200 грама сусам

Подготовка:

Пилешкото месо сварете го и исечете го на коцки. Потоа, кикиритките ставете ги во најлонско ќесе, врзете го и истолчете ги со толчник за месо.

Во еден сад ставете го сусамот, па печете го на оган со постојано мешање додека не добие светложолта боја.

Потоа, измешајте ја киселата павлака со мајонезот.

Во друг сад измешајте ги сечканото пилешко, кикиритките, сусамот, мајонезот, киселата павлака и солта, по вкус.

Кога ќе се излади, уште еднаш убаво измешајте ја салатата и послужете.