Јадењата со компири се едни од најомилените во нашите домаќинства. Компирите заземаат значајно место во македонската кујна – и како главно јадење и како прилог на главното јадење, но и како додаток во разни пити, чорби, варива итн.

Денеска ви предлагаме необичен рецепт – пијани печени компири.

Состојки:

– 750 грама компири
– 2 лажици маслиново масло
– 200 мл суво бело вино
– 5 гранчиња мајчина душица
– сол, црн пипер

Подготовка:

Загрејте ја рерната на 200 степени. Компирите исечкајте ги на мали парчиња, а потоа префрлете ги во сад, прелијте ги со маслиново масло, посолете, додадете црн пипер и измешајте.
Компирите наредете ги во длабок, подмачкан плех за печење. Прелијте со вино и распоредете ги гранчињата мајчина душица.
Печете 15-20 минути. Кога виното ќе испари, компирите многу брзо ќе станат крцкави, па внимавајте да не ви загорат.