Фото: Tojosan / Flickr

Рецепт за печени пиперки со пикантен фил од фета-сирење

Летото е при крај, а со него и речиси сите вкусни сезонски зеленчуци. Искористете го овој период, да уживате во неповторливиот вкус на пиперките, кои можете да ги подготвите на десетина начини.

Денеска ви предлагаме рецепт за полнетите пиперки со сирење, кои се многу вкусни и се одлични и како предјадење или како главно јадење.

Овој рецепт е за четири полнети пиперки, а по желба можете да ја зголемите дозата.

Состојки:

– 4 поголеми пиперки
– 200 грама фета-сирење
– 1 јајце
– 50 грама павлака
– бибер и сол
– маслиново масло
– 200 грама леб
– зачини

Подготовка:

Загрејте ја рерната. Пиперките исчистете ги од семки. Обложете ја тавата со алуминиумска фолија. Испечете ги пиперките. Откако ќе се испечат, ставете ги во ќесе да отстојат 10 минути, излупете ги и исечете ги од страната.

Загрејте ја повторно рерната на 180 степени. Направете фил од фета-сирењето, павлаката и зачините, додадете и лут зачин по желба. Отворените пиперки полнете ги со филот и потоа свиткајте ги како сармички.

Печете 40 минути во рерната. Парчињата леб потпечете ги на тостер и на секое ставете по една од готовите пиперки.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот