Не сте љубители на крцкав помфрит од фритеза или од рерна? Пробајте го овој рецепт за печени компири што се топат во устата.

Компирите се печат во пилешка супа, што им дава дополнителна доза на сладост, но и вкус на пилешко. Најдобри резултати ќе добиете ако направите домашна пилешка супа, но можете да користите и готова коцка пилешка супа што ќе ја растворите во 200 милилитри топла вода.

Пилешката супа треба да го покрие дното на садот во кој ги печете компирите, но не претерувајте со количината. Треба да добиете меки печени компири, а не пире во рерна.

Исклучително е важно да ги исечете компирите на приближно еднакви големини за да бидат термички обработени во исто време.

Состојки:

– 2-3 компири

– 200 мл пилешки супа

– сол и црн пипер по желба

– растително масло по желба

Подготовка:

1. Загрејте ја рерната на 180 степени Целзиусови.

2. Излупете ги компирите, исечете ги на парчиња приближно со иста големина и зачинете со сол и црн пипер.

3. Ставете ги на дното на плехот за печење.

4. Компирите прелијте ги со пилешката супа.

5. Вака подготвените компири печете ги во загреана рерна околу 25 минути. Главната цел е компирите да ја впијат течноста.

6. По 25 минути ги превртете ги и вратете ги во рерна. По желба можете да им додадете и малку масло.

7. Печете ги уште 15 до 20 минути додека термички обработени до крај и добијат убава златно-кафеава боја.

8. Сервирајте ги печените компири како прилог со некое јадење по желба, а можете да ги јадете и како главно јадење. К. А.