Рецепт за омилените колачиња во поранешна Југославија, домаќинките се натпреваруваа чии ќе бидат поубави
Падобранците се старински колач кој со задоволство се служеше на трпезата ширум поранешна Југославија, а овој едноставен рецепт гарантира дека ќе ви успее од прва.
Препорачано
Состојки:
За бисквитот:
– 3 белки
– 300 грама шеќер
– 300 грама мелени ореви
– сок од лимон
За филот:
– 3 жолчки
– 3 лажици шеќер во прав
– 125 грама путер
– 100 грама чоколадо за готвење
Подготовка:
Белките се матат цврсто со шеќерот, а кога ќе почне да се формира снег, се додаваат две лажици сок од лимон, па се мати уште малку за да се добие тврда смеса. На крајот, внимателно измешајте ги мелените ореви со рака. Со лажица или шприц обликувајте мали топчиња и наредете ги топчињата на подмачкан плех или хартија за печење. Потрудете се да ги направите што е можно помали и да оставите повеќе простор помеѓу секој падобранец бидејќи во текот на печењето ќе нарасне. Печете ги во рерна на 150 степени околу половина час. Водете сметка падобранците да ви останат што е можно побели.
Додека чекате да се исушат пуфките, подгответе го филот. Во сад добро изматете ги жолчките со шеќерот во прав, па додајте го омекнатиот путер и чоколадото што сте го растопиле на пареа. Изладените падобранци попрскајте ги со растопено чоколадо, но не мора, врз секој нанесете од филот и спојувајте ги по две, како ванилиците. Падобранците оставете ги малку да отстојат за да омекнат и потоа послужете ги.
