Без разлика дали доаѓа во облик на печење, во тортилја, во вкусен сос со тестенини или со пире од компири или со ориз – пилешките гради се ручек со кој нема да погрешите.

Во продолжение можете да го погледнете рецептот за т. н. „хаселбак“ (hasselback) пилешко, познат по  неверојатната сочност. Подготовката на овој деликатес нема да ви одземе повеќе од 15 минути, рерната ја врши поголемиот дел од работата, а вам ви останува само да уживате во фантастичниот вкус.

Поради ароматичните додатоци како спанаќ и видовите сирења, вака подготвените пилешки ролнички ќе бидат сосема поинакви од сите што сте ги пробале досега…

Состојки:

– две половинки пилешки гради
– 50 грама свеж спанаќ
– 50 грама рикота сирење
– 100 грама рендана гауда
– сол, бибер, лук во прав
– маслиново масло

Подготовка:

1. На малку маслиново масло продинстајте ситно сечкан спанаќ. По три минути додадете рикота сирење и зачини. Оставете ја смесата малку да се излади.

2. По целата половина од пилешките гради исечете длабнатинки оддалечени околу еден сантиметар, внимавајќи да не го исечете месото до крај. За полесно да го исечете пилешкото, можете да го ставите помеѓу две дрвени рачки и да сечете додека ножот не ја допре рачката, така што дното на пилешкото ќе остане целосно.

3. Наредете го исечканото пилешко на плех обложен со хартија за печење и во секој длабнатинка од месото додадете ја смесата од рикота и спанаќ.

4. Премачкајте со маслиново масло, обилно прекријте со рендано сирење и печете околу 30 минути во рерна загреана на 180 степени.

5. Послужете топло со омилениот прилог.