Водата со краставица е позната и како „инфузија од краставици“ или пијалак за детоксикација од краставици, а таа е совршен начин за хидратација и чистење на организмот во текот на целиот ден.

Краставицата содржи малку калории и е богата со влакна, поради што е водечка намирница за придвижување на метаболизмот и губење на вишокот килограми. Богата е и со витамин Б, содржи калиум, магнезиум (помага при висок крвен притисок)… Познато е и дека краставицата содржи бројни антиоксиданси и на тој начин го штити организмот од разни болести.

Состојки:

– 1 голема краставица
– 7 лимони
– малку мед
– 3 чаши минерална вода
– 2 чаши обична вода

Подготовка:

Направете пире од краставицата во блендер, па течниот дел исцедете го низ сито, доколку сакате побистра лимонада. Ако сакате малку погуста, оставете сè во неа. Сипете ја краставицата во бокал, прелијте ја со сок од лимон и мед, додајте кисела и обична вода и на крајот измешајте.