Наместо класичен начин на подготовка на лазањи, експериментирајте со вкусовите, а наместо мелено месо, за овој рецепт користете свеж спанаќ и пармезан. Исто така, доколку не сте љубител на традиционалните лазањи направени од брашно и јајца, се употребуваат и лазањи со зелена боја што се направени со додавање спанаќ.

Состојки:

– 1 лажица маслиново масло
– 300 г замрзнат (или свеж) сечкан спанаќ
– ½ главица кромид, исечкан
– ½ лажичка оригано
– ½ лажичка босилек
– 2 чешниња лук
– 1 тегла сос за шпагети по избор
– 1 и половина чаша вода
– 2 шолји урда
– 200 г моцарела, рендана
– ½ шолја рендан пармезан
– ½ шолја сечкан свеж магдонос
– 1 лажичка сол
– 1/8 лажичка црн пипер
– 1 јајце
– 1 пакетче кори за лазања

Подготовка:

Загрејте ја рерната на 180-200 степени. Во голема тава на средна температура запржете спанаќ, кромид, оригано, босилек и лукот во маслиновото масло.

Прелијте ги внатре сосот за шпагети и водата. Оставете околу 20 минути. Во голем сад измешајте урда, моцарела, пармезан, магдоносот, солта, црниот пипер и јајцето.

Сипете мало количество сос на дното на тавата за лазања. Наредете четири сирови листови тесто за лазањи.

Прелијте дел од сосот одозгора. Додаде уште 4 слоја кори. Покријте со поголема количина од сосот заедно со половина смеса со сирењата. Се шират сите кори како алтернација со сосот и смесата со сирењето.

Гледајте на крај да ви остане сос за врвот. Покријте со алуминиумска фолија и печете во загреана рерна околу еден час. Отстранете ја фолијата и печете уште 15 минути за да се добие коричка.