Пројата е составен дел од нашата трпеза и секоја домаќинка има свој проверен рецепт, а сега ви донесуваме рецепт како ја прават Грците.

Состојки:

– шолја пченкарно брашно
– шолја пченично брашно
– две лажички прашок за печиво
– 2 јајца
– шолја јогурт
– 120 грама путер
– 2 лажици маслиново масло
– 1 мала тиквичка
– 200 грама фета
– мајчина душица

Подготовка:

Загрејте ја рерната на 200 степени Целзиусови. Во еден сад измешајте ги сите суви состојки, а во друг маслото, јогуртот и растопениот путер. Измешајте ги двете смеси и додајте ја ренданата тиквичка, како и иситнетото фета сирење. Добро измешајте, сипете ја смесата во подмачкан плех, израмнете и посипете со мајчина душица. Печете најмалку 35 минути или додека чепкалка забодена во средината не излезе сува. Испечената проја изладете ја на собна температура и исечете ја на триаголници, така Грците ја сервираат.

Пријатно!