Компирите се едно од најпопуларните јадења во целиот свет. Ги сакаме во секакви варијанти – како помфрит, печен, во форма на пире… Денеска ви донесуваме рецепт за компири приготвени на француски начин, јадење кое е кремасто, се топи во устата и има уникатен вкус.

Состојки:

– 1 кг компири
– 100 г путер
– 4 варени јајца
– 250 г колбаси
– 1 главица кромид
– 200 мл кисела павлака
– 100 г рендан пармезан
– половина лажица брашно
– 3 лажици презла
– сол
– бибер
– 1 китка магдонос

Подготовка:

Рерната загрејте ја на 180 степени. Компирите излупете ги и исечете ги на кругови. Половина од компирите наредете ги во плех обложен со хартија за печење, а одозгора наредете кругови од јајца, колбас измелен во блендер, сечкан магдонос и пропржен кромид. Покријте со преостанатите компири.

Во сад измешајте павлака, брашно, сол и бибер и прелијте врз наредените компири. Потоа посипете со презла, пармезан и путер.

Печете околу 15 минути во рерна загреана на 180 степени. Пријатно!