Ви претставуваме јадење совршено за периодот за постење – компири со коприва и младо кромитче.

Состојки:

– еден до два килограми компири

– 200 грама млади коприви

– еден морков

– едно врзопче млад кромид

– едно врзопче млад лук

– сол и бибер

– две лажици палента

– масло

– малку алева пиперка

Подготовка:

Копривите исчистете ги и обарете ги една-две минути, па исцедете ги и исечкајте ги ситно. Кромидот исечкајте го и пропржете го, па додадете ги и кругчињата моркови, а потоа и сечканата коприва.

Сè измешајте. Додадете лажица палента и малку вода. Тавчето подмачкајте го и додадете ги копривите и распоредете ги.

Исчистените компири посолете го и додадете малку зачини, масло, бибер и малку алева пиперка и на крајот, лажица палента.

Сето тоа измешајте го, па наредете ги компирите врз копривата.