Рецепт на Џејми Оливер за здрави тортилји со овошје и семки
Тортилјите не се првата намирница што ќе ни падне напамет кога е во прашање вечерата, но ако ги предлага Џејми Оливер, секако сакаме да ги пробаме.
Препорачано
Познатиот британски шеф Џејми Оливер веќе со години во главен фокус го става подигањето на свеста за здравата храна, како и демистификација на мислењето дека таа е скапа или комплицирана.
Со своите рецепти продолжува да нуди едноставни опции за секој ден, а ние одлучивме да ви претставиме една од нив. Станува збор за тортилји со јогурт, овошје и семки, кои изгледаат многу привлечно.
Состојки:
– 1 мандарина (или портокал)
– 1 тортилја (по можност интегрална)
– 1 лажица какао во прав
– 2 лажици јогурт
– 1 зрела банана
– 1 грст бобинки по желба
Подготовка:
1. Мандарина или портокал пресечете на половина. Во тегла исцедете сок од половина од избраното овошје и додајте го какаото во прав. Сето тоа добро протресете го во затворен сад.
2. Во смесата додајте го јогуртот и повторно протресете.
3. Отворете ја тортилјата и рамномерно премачкајте ја со смесата.
4. На средина на тортилјата додајте ја бананата и лесно изгмечете ја со виљушка, а притоа внимавајте да ја распоредите што е можно порамномерно.
5. На крајот ставете ги бобинките и семињата, а тортилјата пресечете ја на четвртини и завиткајте ја по желба.
Уживајте во овој вкусен, здрав и лесен оброк.
