Култните наполитанки се десерт од нашето детство, кои беа задолжителни во секој дом. Сигурно ги паметите домашните наполитанки на вашите мајки и баби, кои никако не се споредуваа со оние од продавница.

Денеска ви претставуваме рецепт за домашни наполитанки во кои со сигурност ќе ужива целото семејство.

Состојки:

– 4 листови обланди

– 250 грама путер

– 200 грама шеќер

– 12 лажици вода

– 250 грама мелени ореви

– 250 грама мелени бисквити

– 100 грама чоколадо за готвење

Подготовка:

Во поголемо тенџере, ставете го путерот, шеќерот и водата и мешајте на тивок оган додека состојките не се соединат. Потоа, во растопениот путер додадете ги мелените ореви, бисквитите и чоколадото, и повторно мешајте сè додека не добиете хомоген крем.

Оставете малку да се излади, а потоа поделете го кремот на три еднакви дела со кој ќе ги премачкате горните страни на обландите.

Вака подготвените обланди обложете ги со мрсна хартија и одозгора притиснете ги со метална тава за да добијат потенок облик.

Оставете ги сосема да се изладат, а потоа можете да ги премачкате со чоколадна глазура.

Совет: доколку сакате да го збогатите вкусот на кремот, додадете малку сок од портокал или неколку капки рум.

Пријатно јадење!