Црвената леќа со зеленчук е еден од рецептите што е многу застапен во веганската култура, а се подготвува по принципот сѐ по малку.

Инаку, леќата спаѓа во мешунките, а позната е по тоа што содржи многу витамини.

Состојки:

– 1 главица кромид
– 3 чешниња лук
– 1 морков
– 1 црвена пиперка
– 1 тиквичка
– 1 конзерва паста од домати
– 150 грама црвена леќа
– 1 лажица маслиново масло
– 1 лажица зачин од суви билки
– 1 лажица мелена слатка пиперка
– 1 лажица ким

Подготовка:

Во една лажица маслиново масло пропржете го исечканиот кромид. Кон крајот додадете сечкан лук и динстајте уште неколку минути. Потоа, во него додадете го излупениот и изрендан морков. Покријте, па додајте ги сечканата пиперка и тиквичката. Добро измешајте сè, па динстајте уште 20 минути, повремено мешајќи. Потоа, сипете ја целата конзерва доматна паста и зачинете со зачини од сушени билки, мелена пиперка и ким. Покријте и варете 10 минути. Во тавата додадете 150 грама црвена леќа и 300 мл вода и сè заедно варете 20 минути. Тргнете ја леќата од шпорет, оставете 10-тина минути да отстои и послужете.