Пристигна постудено време, а што се однесува до овошјето, тоа значи дека сега на трпезата најмногу се застапени јаболката, портокалите, кивито и мандарините.
Ако сте љубител на овошни колачи и торти, ќе ве воодушеви рецептот за чоколадна торта со мандарини.

Состојки:

– 5 јајца

– 1 ванилин шеќер

– 150 грама шеќер

– 200 грама брашно

– 1 прашок за печиво

– 2 лажици какао

– 1,5 дл сок од портокал

– 100 грама чоколадо

– 3 лажици млеко

Подготовка:

Изматете јајца, ванилин шеќер и обичен шеќер со миксер во длабок сад. Додадете масло, брашно, прашок за печиво и какао, и сè добро измешајте. Сипете половина од смесата во плех за торта, кој претходно сте го подмачкале и попрскале со брашно, а потоа наредете ги цели мандарини. Сипете ја другата половина од смесата врз мандарините и целосно покријте ги со оваа смеса.

Печете го колачот околу 35-40 минути на 180 степени. Откако ќе се испече, прелијте го со сок од портокал. За преливот растопете го чоколадото измешано со три лажици млеко и премачкајте го целиот колач. Оставете го да се излади во фрижидер половина час.