Здрав, едноставен, евтин и најважно, неверојатно вкусен колач – потребни ви се само неколку состојки и ќе добиете кремаст, магичен десерт.

Денеска ви претставуваме рецепт за лесен чоколаден колач, кој се подготвува многу брзо и едноставно.

Состојки:

– 2 јајца
– 2 банани
– 2 лажички какао
– 10 грама прашок за печиво
– 70 грама темно чоколадо
– 30-50 мл млеко

Подготовка:

Испасирајте ги зрелите банани и во нив додајте ги јајцата, какаото и прашокот за печиво. Ставете ги во блендер или изматете ги со миксер, а потоа ставете ја смесата во плех и печете 25 минути на 180 степени Целзиусови.
Откако колачот ќе се испече, оставете го да се излади на собна температура, а потоа прелијте го со растопеното темно чоколадо во кое ќе додадете малку млеко.