Малку јогурт, овесни снегулки, просо и уште неколку состојки ќе бидат доволни за овие одлични брауни.

Доколку сте љубители на брауни, овој рецепт особено ќе ви се допадне:

Состојки:

– шолја јогурт
– 120 грама брашно
– 25 грама овесни снегулки
– 30 грама какао во прав
– 30 грама просо
– три лажици масло
– лажичка прашок за печиво
– 150 грама шеќер
– лажичка екстракт од ванила

Подготовка:

Измешајте ги брашното, овесните снегулки, какаото, просото и прашокот за печиво.

Во друг сад измешајте ги јогуртот, маслото, ванилата и шеќерот. Додадете ја смесата со брашно и сè добро измешајте.

Смесата сипете ја во тава обложена со хартија за печење и печете во рерна на 180 степени околу 30 минути. Изладете, исечете на коцки и послужете.