Домашните кифлички секогаш се популарни во македонската кујна, без разлика дали ги правите солени или благи – сите ги обожаваат. Направете слична варијанта – кифлички полнети по желба, како предлог за одличен појадок или вечера.

Состојки:

– 550 грама брашно
– 250 грама маргарин
– 1 кисела павлака
– 1 прашок за печиво
– 1 јајце
– крем, мармалад
– шеќер во прав

Подготовка:

Измешајте ги сите состојки во длабок сад и замесете тесто. Покријте со крпа и ставете во фрижидер, да отстои околу 20 минути.

Потоа, растегнете го тестото, пресечете го на правоаголници со иста големина и на секој од нив ставете една лажичка крем или мармалад.

Свиткајте ги и наредете ги во претходно премачкана тава. Загрејте ја рерната на 180 степени, а за тоа време оставете ги кифличките да отстојат во тавата и уште малку да нараснат.

Печете околу 15 минути, но внимавајте кифлите да останат бели. Кога ќе се испечат, сипете им шеќер во прав.