Бајадерите отсекогаш биле едни од омилените колачи во нашите краишта и еден од незаменливите деликатеси на прославите.

Белите бајадери во последно време стануваат сè попопуларни, а рецептот за нив не е воопшто тежок.

Состојки:

Бел фил:

– 100 мл вода

– 200 грама шеќер

– едно пакување од 125 грама путер

– 200 грама млеко во прав

– 100 грама кокос

Темен фил:

– 200 мл вода

– 300 грама шеќер

– едно пакување од 125 грама путер

– околу половина килограм мелени бисквити

Подготовка:

За да го подготвите белиот фил, прво зовријте вода, шеќер и путер заедно. Кога ќе го тргнете тенџерето од шпорет, додајте го млекото во прав, добро измешајте, па додајте го кокосот.

Темниот фил е за долната кора. Сварете ја водата, шеќерот и путерот, а потоа додајте мелени бисквити.

Откако светлиот фил малку ќе се излади, сипете го врз темниот фил. Потоа, ставете ги бајадерите во фрижидер малку да се стегнат.