Фритата со брокула и чаден лосос е многу едноставно и брзо јадење кое има подеднакво добар вкус во секое време од денот, па можете да го јадете за појадок, ручек или вечера.

Фритатата е готова за помалку од половина час, а единствено на што треба да внимавате е рамномерно да го распоредите зеленчукот за секој залак да биде вкусен.

Состојки:

– 1 лажица маслиново масло

– 220 грама брокула искината на цветчиња

– 150 грама замрзнат грашок

– 125 грама чаден лосос, исечкан на парчиња

– 6 јајца

– сол и бибер по вкус

Подготовка:

Загрејте ја рерната на 220 степени.

Загрејте го маслото во тава. Додадете ја брокулата и пржете пет минути додека не омекне.

Додадете го грашокот и пржете уште три до четири минути. Потоа додадете го лососот, изматените јајца и солта и биберот.

Пржете додека не се стегне.

Ставете ја во рерна пет минути да зарумени.

Послужете и уживајте.

На здравје!