Раководството на Реал Мадрид се одлучи на уште еден маркетиншки потег, сега со името на стадионот.

Имено, стадионот во иднина место „Сантијаго Бернабеу“ ќе се вика само „Бернабеу“ и официјалната промена ќе се случи во првите денови од 2025 година.

Ова ќе биде прва промена на името на стадионот на Реал по цели седум децении и вкупно трета во историјата. По отворањето во 1947 година стадионот го носеше името „Стадион Реал Мадрид“, а во 1955 името е сменето во „Сантијаго Бернабеу“ по поранешниот играч и претседател кој бил најзаслужен за изградбата.

Во меѓувреме стадионот стана и еден од најпрестижните во светот, а моменталниот капацитет изнесува 78.297 места.