Реал Мадрид остана без големата желба: Арсенал се договори со еден од најдобрите фудбалери во Ла Лига
Шпанскиот репрезентативец Мартин Зубименди, фудбалерот од средниот ред на Реал Сосиедад, од следната сезона ќе го носи дресот на Арсенал.
Препорачано
Како што објавив реномираниот италијански новинар Фабрицио Романо, постигнат е вербален договор меѓу двете страни, а Арсенал веќе го известил клубот од Сан Себастијан дека планира да ја активира откупната клаузула.
Зубименди (26) е дете на Реал Сосиедад и целата своја досегашна кариера ја помина во тимот од својот роден град. Во изминатите неколку сезони израсна во еден од најдобрите дефанзивни играчи од средниот ред во светскиот фудбал. Со Реал Сосиедад ја освои титулата во Купот на Шпанија во 2020 година, а беше и клучен играч во репрезентацијата на Шпанија која на Европското првенство во 2024 година стигна до златниот медал.
Трансферот официјално треба да се реализира на почетокот на летниот преоден рок, а Сосиедад ќе инкасира 60 милиони евра за својата ѕвезда, која се смета за еден од најдобрите играчи што некогаш го носеле нивниот дрес.
🚨 Arsenal agree deal to sign Martin Zubimendi from Real Sociedad, here we go! ❤️🤍
Zubimendi has now verbally agreed to sign a long term deal… so formal steps must follow soon with Arsenal to trigger €60m clause.
Zubi, ready to become the first signing of the new season. pic.twitter.com/yzYJOydstE
— Fabrizio Romano (@FabrizioRomano) May 10, 2025
