Фото: EPA-EFE/FILIP SINGER

Реал Мадрид го пушти во продажба дресот на Мбапе и веднаш настана хаос

Килијан Мбапе, како што беше најавено по завршувањето со настапот на Франција на Европското првенство, на 16 јули ќе биде претставен во дресот на Реал Мадрид.

Денеска во продажба беа пуштени и дресовите со бројот „9“ кој ќе го носи Мбапе во Мадрид. Побарувачката, како што пренесуваат медиумите била толку голема што навивачите ќе мора да чекаат и повеќе од четири недели за да го добијат дресот од францускиот голгетер.

„Ви го претставуваме дресот на Килијан Мбапе, вашиот омилен фудбалер. Дресот е персонализиран, со презиме и број на задната страна, заедно со логото на Лигата на шампионите и логото на Ла Лига“, беше објавата со која Реал ја најави продажбата на дресовите.

Набрзо по таа објава „кралевите“ одново се огласија објаснувајќи дека поради големата побарувачка фановите за дресот на Мбапе ќе треба да чекаат помеѓу четири и шест недели.

Во официјалните продавници на Реал Мадрид дресот на Мбапе ќе се продава по цена од 120 евра.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот