Разговор со Ксенија Николова: Сонувам за многу нешта, но не очајувам по ништо…
Денес ќе ве запознаам со девојката која изгледа како да излегла од некоја руска бајка и чија љубов е пишувањето романи. Но, како и во бајките и во животот има нешта што нè плашат, како анксиозноста на пример. Но, сè може да се победи, кога почнуваме да го цениме мигот и да живееме во сегашноста, пренесува „Еспресо.мк“.
Препорачано
Убавината ти е руска, имаш ли некој руски корен?
– Ти благодарам на комплиментот. Мојата мајка е русинка и навистина се радувам што имам и потекло оттаму. Многу ја сакам Русија и поврзана сум со таа земја.
Дали убавината е среќа?
– Убавината, кога е склоп на еден целосен сет на вредности и грижа за себе, секако декa е среќа.
View this post on Instagram
А што е со внатрешната убавина? Како неа ја негуваш?
– Внатрешната убавина ја негувам со постојана грижа за своето ментално здравје и надоградување на својата личност. Уживам во работата на себеси и во тој процес.
Како се справуваш со анксиозноста и како успеа да ја победиш депресијата? Кои работи ти помогнаа во тоа? Што би ги посоветувала оние кои секојдневно се борат со овие нешта?
– Анскиозноста и депресијата се теми коишто не можеме да ги дискутираме во две реченици. Едноставно не смееме. На мојот Инстаграм профил имам доста видеа, „лајвови“ со психолози и слично, каде што детално сме зборувалe на тие теми. Можам само да кажам дека нема две исти борби како што нема ни две исти приказни.
Дали пишувањето е терапија?
– Пишувањето е секако моја основа и нешто што мене во целост ме дефинира, а со тоа и ми помага да се осознаам себеси и да ги победам нештата со коишто се борам.
Кажи ни збор-два за твоите дела, романите кои си ги напишала?
– Јас сум автор на шест романи издадени на македонски јазик, од кои два се преведени и издадени на англиски, еден на руски и еден на бугарски јазик, со што мојата уметност влезе и низ интернационалните врати, што отсекогаш беше мојот сон.
View this post on Instagram
За што сонуваш?
– Сонувам за многу нешта, но не очајувам по ништо. Среќна сум во секој момент.
Што би сакала да ти се исполни во наредните пет години?
– Имам свои цели за наредните пет години, но тие никогаш не би ги кажала наглас, тие се само мои.
View this post on Instagram
Која е твоја најсреќна слика од детството?
– Имам премногу среќни слики од детството, јас имав навистина прекрасно детство.
Која е најсреќната слика што ја замислуваш еден ден кога ќе остариш?
– Не замислувам ништо, навистина, многу е важно да имаме цели, но многу е важно и да живееме во моментот, во сегашноста. Порано бев опседната со очекувања, но престанав, бидејќи тоа беше грешка.
