Директорот на српската полиција Владимир Ребиќ, денеска изјави дека врз основа на оперативни податоци на полицијатаво близина на Азорските острови во Атлантскиот океан се запленети околу 800 килограми  кокаин и е разоткриена криминална група, која е сочинета претежно од српски државјани, која се занимавала со шверц на оваа дрога од Јужна Америка во Европа, пренесува Курир.рс.

– По повеќемесечна оперативна работа припадниците на криминалната полиција, поточно тајните служби за борба против организиран криминал и Обвинителството за организиран криминал, во соработка со колеги од Шпанија и Велика Британија, успешно е реализирана заплена на околу 800 килограми кокаин – изјавил директорот на полицијата Ребиќ, а пренесуваат српските медиуми.

Според неговите зборови, по собраните информации дека оваа криминална група се занимава со дистрибуција на наркотици, како и сознанијата за конкретниот начин и времето на транспорт на кокаин од јужна Америка, членовите на српската криминалистичка полиција со тие сознанија ги запознале колегите од Шпанија.

Шпанската полиција, врз основа на тие информации, како што информирал директорот, а пренесува Курир, во Атлантскиот океан запрела едрилица во која бил откриен кокаин.

Ребиќ истакнал дека во таа прилика колеги од Шпанија уапсиле тројца осомничени членови на екипажот, кои се државјани на Србија, Мексико и Русија.