Возачот на Мерцедес, Џорџ Расел победи на вечерашната трка за Големата награда на Формула 1 на Сао Паоло, Бразил, и со тоа ја оствари првата победа во шампионатот.

По спринтерската трка Расел победи и на главната трка на патеката Интерлагос, а второто место му припадна на неговиот тимски колега Луис Хамилтон.

На подиумот се искачи и Карлос Саинц од Ферари, додека четвртиот заврши неговиот тимски колега Шарл Леклер.

Поени освоија и Фернандо Алонсо на Алпин, потоа двократниот последователен светски шампион на Ред Бул, Макс Ферстапен заврши шести, додека другиот возач на Ред Бул, Серхио Перез, го освои седмото место. Следуваат Естебан Окон од Алпин, Валтери Ботас од Алфа Ромео и Ленс Строл од Астон Мартин.

Ферстапен ја обезбеди титулата порано и има 429 бода на лидерската позиција, Леклер е втор со 290 бодови, а исто толку учинок има и Перес на третото место. Последната трка сезонава е следната недела во Абу Даби.