Пратеничката Даниела Рангелова од ВМРО-ДПМНЕ во Собранието денес побара сите што се осомничени и обвинети во некакви постапки да не дискутираат за Законот за јавно обвинителство. Таа смета дека тоа е неетички пред граѓаните.

-Сите оние што сме на каков било начин засегнати во истраги, предистраги или обвиненија, на чело со мене, апелирам да не дискутираме за Законот за јавно обвинителство, зашто јавноста зборува дека сме пристрасни. Сметам дека обвинети и лица под истрага, иако имаат презумпција на невиност, не треба ни да преговараат, ниту да гласаат за Законот за јавно обвинителство – рече Рангелова.