Албанскиот премиер Еди Рама истакна дека новиот меѓународен аеродром „Влора“ ќе биде отворен во 2025 година, пишува Албанската пошта.

„На новиот меѓународен аеродром во Валона се работи со полн капацитет со цел првиот авион да се приземји во летото 2025 година, кога туризмот на Албанија ќе влезе во трката за освојување на признанијата за туризмот на Балканот“, рече Рама.

Министерката за инфраструктура и енергетика, Белинда Баљуку изјави дека тоа ќе биде најголемиот аеродром на Балканот, а со тоа и една од најважните инвестиции за економијата на Албанија.

„Аеродромот ќе биде најголемиот на Балканот, категорија 4E, и ќе му даде на целиот регион нова опција за пристап без користење на центар“, рече таа.

Компанијата што ќе ја врши работата е „Мабетекс груп“, чиј основач е претприемачот од Косово Беџет Пацоли. Тој во април 2022 година изјави дека овој аеродром ќе може да се споредува со најголемите аеродроми во светот.

Пацоли гарантира дека истиот стандард за неговата изградба се применува и на аеродромот во Њујорк.

„Ние сме во фаза кога сите проекти се речиси одобрени. Почнавме со наоѓање подизведувачи“, рече Пацоли.