Никогаш не сме биле поблиску до ЕУ, порача албанскиот премиер Еди Рама, кој денеска присуствува на самитот на лидерите од ЕУ и Западен Балкан во Скопје, објави 21ТВ.

Тој нагласи дека сите обврски ќе бидат исполнети во предвидените рокови заедно со Европската комисија.

„Никогаш не сме биле поблиску до остварување на вековна аспирација. А од друга страна, ми е мило што има генерално позитивна атмосфера во овој поглед. Многу сме блиску. Никогаш не сме биле поблиску и цврсто верувам дека ќе ги исполниме сите наши обврски како што ги предвидовме роковите со Европската комисија и заедничкиот план ќе биде целосно реализиран“, изјави Рама.

На отворањето на самитот, премиерот Мицкоски порача дека кредибилитетот на Планот на ЕУ се заснова на исполнување на ветувањата и испорачување на придобивките, граѓаните треба да ги почувстуваат продобивките од интегрирањето сега во нивните бизниси, во институциите, во секојдневниот живот.

„Сите имаме заедничка иднина и за да обезбедиме единство и стабилност потребно е да работиме заедно како соседи, како партнери, како регион. Заедно можеме да изградиме силен и поврзан регион, кој е просперитетен, инклузивен и европски, порача Мицкоски.

ВИДЕО | Мицкоски: Европскиот пат им припаѓа на сите граѓани

Еврокомесрката Марта Кос на лидерите од регионот им порача дека имаат на располагање алатка која ќе им помогне во интегритивниот процес – „Безбедност, стабилност и просперитет за сите ваши граѓани“ рече Кос.