-Се наоѓаме во една несекојдневна состојба, затоа што архитектонските студии одсекогаш и насекаде претставувале култен академски жанр кој произлегува од нивната мултимедијалност, мултидисциплинарност. Кај нас на архитектура никогаш не тивко. Врвулица, луѓе постојано. Тоа е како кај R’n’R, не може да создавате или да живеете сами. Но, состојбите се такви какви што се, ние брзо се прилагодивме кон виртуелниот начин на комуникација и на работа, изјави за „Утрински брифинг“ на „Слободна ТВ“, деканот на Архитектонски факултет на УАКС, Мишко Ралев, говорејќи за состојбите предизвикани од КОВИД-19 и начинот на комуницирање во новото време.

Контакт со фирмите кои вработиле студенти за квалитетот кој го имаат стекнато за вфреме на студиите.

-Интересот кај средношколската младина за студирање архитектура е секогаш висок. Очекуваме и во овие состојби на затворени граници и поголем интерес, затоа што еден добар дел од средношколците заминуваа на студии во странство.

Ние како дел од Универзитетот Американ Колеџ во Скопје преземаме и одредени активности во следењето на завршените студенти, преку некои видови на проверка на резултатите од учењето, преку лични контакти со фирмите кои ги вработуваат. Имаме одличен увид каков е квалитетот на нашите студенти и сме горди на тој квалитет кој што е докажан, иако сме каратко на овој пазар. Некои од нашите завршени студенти имаат и одредени успеси во странство, додаде Ралев.