Денеска македонската кадетска ракометна репрезентација денеска од 17.30 часот ќе го има првиот натпревар против Норвешка од групата „Ф“ на Светското првенство во Хрватска.

Избраниците на селекторот Раде Стојановиќ своите мечеви од групната фаза ќе ги играат во Риека.

Во првото коло од нашата група од 19.30 часот силите ќе ги одмерат Црна Гора и Грузија.

На Мундијалот учествуваат 32 репрезентации поделени во осум групи, првопласираните две репрезентации од секоја група ќе се пласираат во главната фаза, а останатите ќе разигруваат за пласман од 17 до 32 позиција.

Групата „Ф“ во главната фаза вкрстува со групата „Е“ во која се репрезентациите на Данска, Австрија, Чиле и Мексико.

Последното СП се одржа во нашата земја во 2019 година кога Египет успеа да се закити со светската титула, а следниот собир кој требаше да се организира во Грција беше откажан поради пандемијата на ковид-19.