Кадетскиот репрезентативец на Македонија, Петар Николоски, во новата сезона ќе настапува за ракометниот клуб Бутел Скопје.

Николоски, кој потекнува од Охрид и има само 16 години, а му се предвидува одлична ракометна иднина, потпиша на три сезони со клубот.

Бутел Скопје ја продолжува својата мисија, да промовира млади македонски ракометари и да им дава шанса да ги покажат своите квалитети.

РК Бутел Скопје најави дека како подготовка за новата сезона ќе учествува на 10 издание на меморијалниот турнир посветен на „Миле Нешкоски“ што ќе се игра во Прилеп од 21 до 24 август.

Воедно покрај домашните обврски, тимот ќе настапува на меѓународната сцена, во првото коло од ЕХФ Европскиот куп на 6/7 септември (гости) и 13/14 септември (дома) ќе игра против Дуделанж од Луксембург.