Фросина Рајковска постигна одличен резултат на меѓународниот турнир во таеквондо „Софија опен“ од Г-1 серијата во Бугарија.

Македонската натпреварувачка освои злато во јуниорска конкуренција (-42 кг.), а до успехот дојде со две победи.

Прво триумфираше над претставничка од Србија со резултат 22:9, а во клучната битка за првото место со 12:5 славеше против натпреварувачка од Украина.

Ова е силен меѓународен турнир со 1000 учесници од над 50 држави од целиот свет.

Воедно турнир кој носи бодови за ранг лисата која носи до Олимписките игри.