Рафаел Варан одлучи да се повлече од професионалниот фудбал
Францускиот фудбалер Рафаел Варан (31) и светски шампион од 2018 година одлучи да се пензионира по новите проблеми со повредите.
Препорачано
Варан летово го напушти Манчестер јунајтед како слободен играч, потпиша за Комо, но реши да го раскине договорот со италијанскиот клуб поради повреда.
Легенда на Реал Мадрид и француската репрезентација со која ги освои сите можни трофеи и дефинитивно е еден од најдобрите дефанзивци во модерната историја на фудбалот.
Тој порасна во Ленс, а во Реал пристигна во 2010 година како голема желба на тренерот Жозе Мурињо.
Во Реал помина 10 години, а потоа во 2021 година беше продаден на Манчестер јунајтед за 40 милиони евра.
– Велат дека на сите добри работи мора да им дојде крајот. Во мојата кариера се соочив со многу предизвици. Неверојатни емоции, посебни моменти и спомени кои ќе траат цел живот. Размислувајќи за тие моменти, со голема гордост и чувство на исполнетост го најавувам моето повлекување од играта што сите ја сакаме.
Не се каам, не би менувал ништо. Освоив повеќе отколку што можев да сонувам, но покрај признанијата и трофеите, горд сум што без разлика на сѐ, останав на моите принципи да бидам искрен и се обидов да заминам секаде подобро отколку што најдов. Се надевам дека сите ве направив горди – стои во дел од објавата на Варан на Инстаграм.
