Бугарскиот претседател Румен Радев  утрово, на Денот на Европа, положи цвеќе на споменикот на Непознатиот воин по повод 79-годишнината од победата над нацизмот во Втората светска војна и се осврна на исходот од претседателските и парламентарните избори во Македонија и победата на Гордана Сиљановска Давкова и ВМРО-ДПМНЕ.

-Многу брзо ќе стане јасно дали новиот претседател и партијата што победи конечно ќе одработат за европската перспектива на земјата или ќе тргнат во друга насока, рече Радев.

-Очекувам и ЕУ поактивно да се вклучи во афирмирањето на принципите на демократијата и почитувањето на човековите права, владеењето на правото во земјите од Западен Балкан, кои се изјаснија за своите амбиции за влез во ЕУ, додаде Радев.