Во единствениот денешен натпревар од кошаркарската Прва лига на Македонија тимот на Работнички славеше минимална победа против Еуро Никел од 92:91.

Еуро Никел во салата во Кавадарци имаше добар старт и по првата четвртина водеше со 28:24, сепак Работнички заигра нешто подобро во втората и на пауза замина со предност од 47:49.

Второто полувреме донесе голема борба на паркетот, а во завршните десет минути домаќинот влезе со два поени предност. Тој период му припадна на скопскиот тим кој на крајот и славеше со 92:91.

Работнички по 17 одиграни кола е на учинок од 13 победи и четири порази, додека Еуро Никел на третото место има 12 победи и пет порази.