Екипата на Работнички го именуваше Борче Христов за нов шеф на стручниот штаб. Христов со Работнички потпиша договор до јануари 2023 година и веднаш го одржа првиот тренинг со тимот.

– Му посакуваме топло добредојде на Борче Христов на тренерската функција. Веруваме дека со неговото долгогодишно искуство ќе воведе новитети во работата со тимот и Работнички ќе се движи во позитивна насока. Сите заедно сме ќе бидеме во функција на светла иднина на клубот –  изјави спортскиот директор Горан Станковски.

Новиот тренер вети напорна работа и се надева дека многу брзо тимот ќе почне да функционира според неговите замисли.

– Сакам да се заблагодарам за довербата на раководството на клубот. Работнички е голем предизвик за мене, можам да ветам напорна работа. Тимот поседува голем потенцијал, млади и талентирани фудбалери и ќе се потрудиме да го развиваме во вистинска насока – изјави Борче Христов за клупската интернет страница.