Работа во Формула 1: Колку всушност заработуваат механичарите „за три секунди работа“?
Поранешен вработен во Ф1 ја открива вистината колку заработуваат механичарите во Формула 1. Калум Николас е поранешен вработен во тимот на Ред Бул во Формула 1. Вели дека просечната годишна плата е околу 60.000 фунти, а работната недела е приближно 70 часа.
Препорачано
Николас не може да одолее, а да не одговори на тврдењата што ја оспоруваат вредноста на работата на механичарите во Формула 1. Тој беше особено погоден од еден коментар во кој менувачот на гуми беше исмејуван дека работи „само три секунди“, предизвикувајќи жестока дебата.
Како што вели тој, споменатите коментари се „глупави и особено срамни“.
– Просечната плата е околу 60.000 фунти (околу 69.000 евра) годишно, а просечната работна недела трае околу 70 часа. Покрај тоа, тие летаат во економска класа и никој не добива дополнителни пари за тоа што е дел од тимот за пит-стоп – откри Николас- пренесува Блиц.рс.
Тој исто така нагласи дека членовите на тимот за пит-стоп не само што прават пит-стопови, туку и поправаат автомобили. Ова е затоа што тимот може да има само 60 лица оперативен персонал за време на викендот на трка, па многумина мора да извршуваат голем број различни задачи.
Николас беше прашан и дали мисли дека механичарите се недоволно платени. Пред хибридната ера, автомобилите беа многу поедноставни и не им требаше толку време за склопување или поправка како што е потребно денес.
– Мојата прва плата во Формула 1, кога имав 22 години, беше 42.000 фунти (околу 48.000 евра). Ми се чинеше како добивка на лотарија, особено затоа што немав никакви обврски дома – продолжува Николас.
– Тогаш, сезоната имаше само 17 трки и немаше три тркачки викенди по ред. Работното оптоварување со V8 моторите е неспоредливо денес.
Николас ја заврши својата кариера како механичар во Ред Бул пред сезоната 2025. Пред неколку години, ограничувањето на буџетот имаше влијание врз платите на вработените, но не значително.
– Но, дури и без тоа ограничување, механичарите не би заработувале 350.000 годишно. Ако тоа некогаш се случи, можеби ќе размислам да се вратам – се пошегува Николас.
