Во текот на летниот преоден рок, Адриен Рабиот беше сериозно поврзуван со заминување од Олимпик Марсеј, а најмногу со трансфер во Милан, каде сега работи неговиот поранешен тренер Масимилијано Алегри. Францускиот репрезентативец призна дека добил неколку „луди“ понуди, вклучувајќи и од клубови од Саудиска Арабија, но одлучил да го испочитува договорот со раководството на Марсеј и да остане барем уште една сезона.

Рабиот откри дека уште при неговото пристигнување пред речиси една година се договорил со претседателот Пабло Лонгорија и спортскиот директор Медхи Бенатија да разговараат за неговата иднина ова лето. По разговорите, сите биле едногласни дека најдобро е да остане. Како клучни причини ги наведе добриот проект на клубот, засилувањата ова лето и визијата на тренерот Роберто Де Зерби.

„Клубови дојдоа со понуди, но му дадов збор на претседателот и одлучив да останам. Овде има вистински проект и нешто што треба да се изгради“, изјави Рабиот.