Претседателот на Русија, Владимир Путин, го коментираше својот напис за Украина, велејќи дека тројството на рускиот, украинскиот и белорускиот народ најдобро се дефинира со фразата: „А ти не си Русин?“

Ден по објавувањето на написот на претседателот за Украина, тој опширно го коментираше значењето и целта на пишувањето на материјалот.

Путин објасни дека разговарал со белорускиот претседател Александар Лукашенко на таа тема.

– Ми рече дека кога играме хокеј и едниот се лути на другиот, тој кажува нешто, партнерот греши, но ние си викаме во душата: „Што е со тебе, не разбираш? Што, ти не си Русин? ‘ – изјави шефот на Русија за телевизијата „Русија 24“.

Според него, „тоа се случува автоматски, од душата, од срцето“.

– Тројството не исчезна никаде, ниту ќе исчезне, колку и да се обидуваше некој – истакна рускиот лидер.

Да потсетиме, рускиот претседател Владимир Путин во понеделникот објави напис „За историското единство на Русите и Украинците“, во кој зборуваше за Украина, односите меѓу Москва и Киев, Донбас, за потеклото на рускиот и украинскиот народ, како и дека Украинците се еден ист народ со Русите, една целина.

Во врска со ова, Путин рече дека веќе неколку месеци размислувал да напише статија за Украина, нагласувајќи дека започнала работата на проектот „Анти-Русија“, што мора да предизвика загриженост кај Москва.