Русија се соочува со големи задачи во Арктичкиот регион, изјави рускиот претседател Владимир Путин.

„Се соочуваме со големи и системски задачи овде на Арктикот, во овој стратешки важен регион за нас“, рече Путин на состанокот посветен на развојот на Арктичкиот регион.

Тој додаде дека Русија мора да ја зајакне транспортната и логистичката инфраструктура и да ги прошири економските и деловните можности, истовремено обезбедувајќи заштита на чувствителните екосистеми на Арктикот.

Според него, Русија мора да обезбеди удобни услови за живот на Арктикот.

Рускиот претседател рече  дека е неопходно доследно да се подобрува урбаната средина, да се подобрат населбите на далечниот север и генерално да се подигне квалитетот на животот „за да има интересни, добри, добро платени работни места, како и пристап до современи образовни и здравствени услуги, што ќе го направи Арктикот навистина удобен и привлечен за живеење“.