Руските вооружени сили во моментов го решаваат прашањето за создавање безбедносна тампон зона долж границата со Украина, изјави денеска рускиот претседател Владимир Путин.

„Веќе реков дека е донесена одлука за создавање на потребната безбедносна тампон зона долж границата. Нашите вооружени сили моментално го решаваат овој проблем“, рече Путин за време на состанокот со членовите на руската влада.

Путин истакна дека руските сили „активно ги потиснуваат непријателските огнени позиции“, како и дека Украина избира цели што „немаат никакво воено значење, вклучувајќи цивилни објекти, куќи и луѓе“, пренесува РИА Новости.