Пуштен во употреба првиот тач семафор (ФОТО)
На булевар Србија на пешачкиот премин во близина на Полициската станица „Ново Лисиче“ денеска е пуштен во употреба првиот тастер со кој пешаците ќе можат да го активираат вклучувањето зелено светло и со тоа побезбедно да го поминат пешачкиот премин.
Препорачано
Граѓаните се малку скептични за начинот на кој функционираат овие уреди, велат дека сè уште незнаат да ги користат.
Градоначалникот на Скопје, Петре Шилегов изјави дека ја утврдиле потребата и по барање на граѓаните поставен е семафор за безбедно минување на булеварот „Србија”.
– Наидовме на разбирање и на барање од компанијата „ОКТА” да воведеме и еден поинаков нов систем, а тоа е кога нема толку многу сообраќај да може со помош на притискање копче да се отвори пешачкиот сигнал со цел да ја зголемиме безбедноста при преминување на улицата, особено на децата кои гравитираат овде и одат на училиште, рече Шилегов.
Оваа донација е дел од кампањата „Јас внимавам“, во рамки на која вакви современи уреди ќе се постават на повеќе семафори на булеварите во Скопје. Проектот е резлизиран во соработка со Град Скопје и ЈП Улици и патишта.
