Инцидент со пукање во кој еден човек е ранет, а по напаѓачот полицијата трага, се случил вечерва во Штип, објави МВР.

„Вечерва околу 21:30 часот во СВР Штип било пријавено дека во угостителски објект на градскиот плоштад било пукано со пиштол, при што едно лице е повредено. Лицето со возило на итна медицинска помош е пренесено во болница во Штип“, пишува во полициското соопштение.

Според првичните, неофицијални информации, се работи за пресметка меѓу млади луѓе од Турција кои студираат во Штип.

„Се преземаат мерки за пронаоѓање на лицето кое пукало и за расчистување на случајот“, додаваат од полицијата, без да соопштат повеќе детали.

Во меѓувреме, штипските медиуми објавија снимка од надзорна камера во кафулето, на која е забележан крвавиот напад.

ВОЗНЕМИРУВАЧКО ВИДЕО: Снимка од крвавиот напад во Штип – пукачот е во бегство