Инцидент со пукање се случил денеска кај фабриката „Фруктал“ во скопското село Моране, при што еден човек бил ранет и итно префрлен во Универзитетската клиника по хируршки болести „Св. Наум Охридски“.

Полицијата го потврди инцидентот:

„Денеска во 15.15 часот во СВР Скопје било пријавено дека на влез во с. Моране, скопско било пукано со огнено оружје при што едно лице се здобило со повреди и било пренесено во ГОБ Св. Наум Охридски за укажување помош. Веднаш по пријавата, полициски службеници од СВР Скопје се упатени на местото и се преземаат мерки за пронаоѓање на сторителите и расчистување на случајот“, велат од МВР.

Засега нема информации за тежината на повредите на ранетиот во пукањето.