Компанијата „Пуцко Петрол“ реагира по објавеното соопштение на Град Скопје во кое беше наведено дека таа ја прекинала испораката на нафта за автобусите на ЈСП.

Од компанијата велат дека ваквите информации го нарушуваат угледот и деловниот интегритет на „Пуцко Петрол“, притоа нагласувајќи дека во јавноста не бил презентиран еден значаен елемент – долгот на ЈСП кон нив, кој, според компанијата, надминува 10 милиони евра по фактури стари повеќе од две години.

Од компанијата додаваат дека „секој клиент кој навремено ги подмирува обврските, без исклучок, добива гориво согласно договорените услови“, и тврдат дека нивното работење е транспарентно и законски усогласено.