Белата куќа денеска ја поздрави одлуката на Германија да го запре проектот за гасоводот „Северен тек 2″, откако Русија ја призна независноста на двата сепаратистички региони во источна Украина.

-Нашиот претседател јасно стави до знаење дека доколку Русија ја нападне Украина, ќе работиме со Германија за да се обезбедиме дека „Северен тек 2″ нема да биде пуштен во употреба, рече портпаролката на Белата куќа, Џен Псаки .

Германскиот канцелар Олаф Шолц претходно денеска изјави дека неговата земја презела чекори за запирање на руско-германскиот гасовод „Северен тек 2″.

Американскиот претседател Џозеф Бајден неодамна предупреди дека гасоводот „Северен тек 2″ меѓу Русија и Германија, што беше завршен, но не е пуштен во употреба, ќе биде блокиран во случај на руски напад врз Украина.

Доаѓаат првите последици за Русија: Шолц го стопираше Северен тек 2