Екипата на Еурофарм Пелистер го донесе првото засилување за наредната сезона, и тоа доаѓа од Бундеслигата. Битолчани денеска и официјално потврдија дека нов голман од следната сезона ќе биде Словенецот Урбан Лесјак. Лесјак доаѓа од редовите на Хановер каде е сограч со македонскиот репрезентативец, Филип Кузмановски.

„Ни причинува особено задоволство да ги информираме сите наши приврзаници и навивачи за уште едно бундеслигашко засилување во нашите редови. РК Еурофарм Пелистер постигна договор со словенечкиот интернационалец Урбан Лесјак. Искусниот 31-годишен голман од следната сезона ќе го брани голот на нашиот клуб, откако веќе го потпиша двегодишниот договор. Лесјак од 2018 година ги брани боите на Хановер, а својата играчка кариера ја започна во Целје Пивоварна Лашко, клуб за кој настапуваше од 2010 до 2018 година“,објави РК Еурофарм Пелистер.

Лесјак беше дел од словенечката репрезентација во 2017 година кога на СП во Франција го освои брозениот медал.