Во Владата утре треба да се одржи седница на која министерот за економија Крешник Бектеши пред премиерот и минстрите ќе треба да реферира за одлуката за спојување на концесиите за рудникот „Иловица-Штука“, што на 27 јуни заедно со колегите ја изгласаа како дополнителна точка на владина седница, а потоа, дел од министрите тврдеа дека не биле темелно запознаени за што гласале и побараа ревизија на одлуката.

Веднаш по седницата, за во 14 часот е најавена прес-конференција, на која Бектеши пред јавноста ќе треба да објасни што се случувало на седнициата и кои одлуки се донесени.

Бектеши е на став дека спојувањето на концесиите е исправна одлука и различна од давање дозвола за експлоатација. Вели дека двете концесиите се една целина, а со спојувањето, државата ќе избегне плаќање пенали, кажа Бектеши минатата недела на брифинг со новинарите.