Интернационалниот институт за фудбалска статистика (ЦИЕС) смета дека македонската прва фудбалска лига е третата најизрамнета лига во Европа.

Главен критериум при анализата на ЦИЕС е  бројот на натпревари во кои победите се со три и повеќе голови разлика. Во македонската Прва лига  од 144 натпревари, само девет проценти од истите завршиле со три или повеќе голови разликаа, Идентичен процент има и првата лига во Словенија додека најизрамнета лига е албанската чиј процент на победи со три или повеќе голови е само 8.8. Од најсилните лиги во Европа, најизрамнета е шпанската Ла Лига каде процентот на убедливи победи изнесува 11.4%.

На светско ниво, најизрамнета лига е колумбиската каде само четири проценти од натпреварите завршиле со убедливи триумфи од три или повеќе голови ралзика, а потоа следат лигите во Индија, Буркина Фасо, Иран, Ирак, Јужна Африка, ДР Конго и Кенија, кои имаат под шест проценти убедливи убедливи триумфи. Македонската прва лига се наоѓа на 19. место на светската листа на најизрамнети лиги.